Millimizin baş məşqçisi Canni De Byazi bu gün keçirdiyi mətbuat konfransında yenidən yığmamıza çağırdığı Eddi İsrafilov və Dmitri Nazarov haqda danışıb.

Futbolmedia.az xəbər verir ki, o, onlar millidə olmayacaqları ilə bağlı fikri heç vaxt demədiyini söyləyib:

"Sadəcə həmin vaxt koronavirusla bağlı belə vəziyyət yaranmışdı. Gənclərə üstünlük vermişdik. Amma indi başa düşürük ki, təcrübəli oyunçular da lazımdır. Yaxşı nəticələr üçün Riçard Almeyda, Dmitri Nazarov, Eddi İsrafilov, Ağabala Ramazanov kimi oyunçuları çağırdım".

Qeyd edək ki, italiyalı baş məşqçi qarşıdakı yoldaşlıq oyunları öncəsi Dmitri Nazarov ("Ertsgebirge, Almaniya), Riçard Almeyda (“Qarabağ”), Ağabala Ramazanov (“Zirə”), Eddi İsrafilov (“Neftçi”) və Səlahət Ağayevə ("Sabah") yenidən şans yaradıb.