"Santos"un hücumçusu Neymar Braziliya millisində karyerasını başa vurduğunu açıqlayıb.

Futbolmedia.az xəbər verir ki, 34 yaşlı futbolçu bu barədə sosial şəbəkə hesablarında məlumat paylaşıb.

"Düşünürəm ki, Braziliya milli komandasındakı tarixim başa çatdı. Bütün qəlbimi və həyatımı verdim, lakin indi daha bunu etmək istəmədiyimə inanıram" deyə Neymar vurğulayıb.

Qeyd edək ki, 2010-cu ildən Braziliya millisində çıxış edən Neymar 130 matçda 80 qol vurub və 59 məhsuldar ötürmə edib. Millinin ən yaxşı bombardiri olan Neymar Braziliya yığması ilə 2013-cü ildə Konfederasiyalar Kubokunun, 2016-cı ildə isə Yay Olimpiya Oyunlarının qalibi olub.