“Santos”un hücumçusu Neymar uzun müddətdən sonra yenidən Braziliya millisinə çağırılıb.

Futbolmedia.az xəbər verir ki, bu barədə Braziliya Futbol Federasiyasının mətbuat xidməti məlumat yayıb.

33 yaşlı hücumçu DÇ-2026-nın seçmə mərhələsində Kolmubiya və Argentina ilə keçiriləcək oyunlar üçün milliyə dəvət alıb.

Neymar sonuncu dəfə 15 ay əvvəl - 2023-cü il oktyabrın 18-də Uruqvaya qarşı oyunda millinin heyətində meydana çıxıb. Həmin görüşdə ciddi zədə alan futbolçu uzun müddətdən sonra sıraya dönüb.

Qeyd edək ki, Braziliya millisi martın 21-də Kolumbiya, 25-də isə Argentina komandaları ilə qarşılaşacaq.