Almaniya millisinin baş məşqçisi Yulian Naqelsmann vəzifəsindən ayrılıb.

Futbolmedia.az xəbər verir ki, bu barədə “Bild” nəşri məlumat yayıb.

Mənbənin iddiasına görə, qərar DÇ-2026-da uğursuz çıxışdan sonra verilib. Almaniya yığması 1/16 finalda Paraqvaya 1:1 hesabı ilə başa çatan oyunun penaltilər seriyasında 3:4 hesabı ilə uduzaraq mübarizəni dayandırmışdı.

Bildirilir ki, “Liverpul”un sabiq baş məşqçisi Yurgen Klopp Almaniya Futbol İttifaqından təklif gələcəyi təqdirdə, millini çalışdırmağa hazırdır.

Qeyd edək ki, 38 yaşlı Nagelsmann Almaniya millisini 2023-cü ildən çalışdırırdı. O, daha əvvəl “Bavariya”, “Leyptsiq” və “Hoffenhaym” klublarının baş məşqçisi olub.