Son həftələr və aylarda Yurgen Kloppun adı “Real”la əlaqələndirilir. Bu, təəccüblü deyil: şayiələrə görə, Madrid klubu bu yay baş məşqçini dəyişmək qərarına gələrsə, “sükan”ı təcrübəli və özünü sübut etmiş yüksək səviyyəli mütəxəssisə etibar edəcək.

Futbolmedia.az xəbər verir ki, AS-ın məlumatına görə, şayiələrə baxmayaraq, Klopp “Real”da işləmək istəmir. Mənbənin məlumatına görə, onun məqsədi Almaniya milli komandasının baş məşqçisi olmaqdır.

Julian Naqelsmann hazırda Almaniya millisini çalışdırır və komandanı 2026-cı il dünya çempionatına hazırlayır. DÇ-2026-dan sonra Almaniya millisinin baş məşqçisi dəyişərsə, Klopp bu fürsətdən istifadə edə bilər. AS-ın yaydığı xəbərdə vurğulanır ki, alman mütəxəssis ən azı növbəti mövsüm “Real”ı çalışdırmayacaq.

Klopp təxminən bir il yarımdır ki, “Red Bull” futbol sistemində çalışır.