“Liverpul”un sabiq baş məşqçisi Yurgen Klopp Almaniya millisinin baş məşqçisi Yulian Naqelsmannı əvəzləməyə namizəd olduğundan danışıb.

Futbolmedia.az insayder Fabrizio Romanonun “X” (əvvəlki “Twitter”) sosial şəbəkəsinə istinadən xəbər verir ki, o, deyib: “Hər kəs ümid edir ki, Yulian Naqelsmann 2026-cı ildən qat-qat uzun müddət millidə qalacaq”.

Qeyd edək ki, daha əvvəl Almaniya millisinin idman direktoru Rudi Völler Yulian Naqelsmann indiki vəzifəsini tərk etdiyi təqdirdə yerinə Yurgen Kloppun namizədliyini nəzərdən keçirəcəklərini bildirib. Y. Nagelsmannın Almaniya millisi ilə hazırki müqaviləsi 2026-cı ilə qədərdir.