2025/26 mövsümündə “Mançester Yunayted”dən icarə əsasında “Barselona”da çıxış edən Markus Reşford bu ayın 11-də start götürəcək dünya çempionatına hazırlıqlarını “İnter Mayami”nin məşq bazasında keçirir.

Futbolmedia.az xarici KİV-ə istinadən xəbər verir ki, İngiltərə millisinin hücumçusu hazırda məşqlərini Lionel Messinin çıxış etdiyi komandaya məxsus mərkəzdə davam etdirir.

Reşford son mövsümdə La Liqada 32 oyunda meydana çıxıb, 8 qol vurub və 7 məhsuldar ötürmə verib.

28 yaşlı futbolçu hazırda “Barselona”da qalmaq istəyir və bu fikrindən geri çəkilmir. Onun “Mançester Yunayted”ə qayıtmaq niyyətində olmadığı bildirilir.

Reşford həmçinin, gələcəkdə UEFA Çempionlar Liqasını qazanmağı əsas hədəfi kimi görür. Buna baxmayaraq, Entoni Qordonun “Barselona”ya transferi onun gələcəyi ilə bağlı sualları artırıb. Futbolçunun qərarının yaxın transfer dövründə daha da aydınlaşacağı gözlənilir.