Azərbaycan Premyer Liqasının cari mövsümünün son mərhələsi “Kəpəz” üçün heç də yaxşı getmir. Komanda ardıcıl 4 turdur ki, xala həsrət qalıb.

Uğursuz nəticələr isə istər-istəməz həm klub daxilində, həm də azarkeşlər arasında ciddi narazılıqlara səbəb olub. Demək olar ki, hər mövsüm qarşısına Premyer Liqada yerini qorumaq hədəfi qoyan “sarı-göylər” elə bu il də buna nail olmağa yaxındırlar. Riyazi olaraq elitanı tərk etmə ehtimalları hələ də qalmış olsa da, bu, o qədər də inandırıcı görünmür. Biz isə ötən mövsüm olduğu kimi, bu mövsüm də sonradan gəlib “Kəpəz”i Premyer Liqada saxlamağı bacaran baş məşqçi Azər Bağırovla söhbətləşdik.



“Düşünürəm ki, əsas səbəb ehtiyat qüvvəmizin olmamasıdır. Bəzi oyunları yaxşı keçirdikdən sonra zədəli futbolçularımız oldu. Ehtiyat oturacağımız geniş deyil. Ən çətin duruma salan bu məqamlardır ki, oyunu gücləndirmək, tempi aşağı salmağın qarşısını almaq kimi hallar bəzən oyunlarımızda alınmır. Qışda istədiyimiz oyunçuları gətirə bilmədiyimizi də vurğulayardım”.

Baş məşqçidən mövsümün sona yaxınlaşması ilə bağlı klubla müqaviləsinin nə yerdə olduğunu soruşduqda, belə cavab verdi:

“Müqavilə məsələsi ilə bağlı hələ heç nə yoxdur. Amma rəhbərliklə bəzi danışıqlarımız olub. Hər şey tezliklə öz yerini tapacaq”.

Bağırov sonda “Kəpəz”də heç bir mailiyyə probleminin olmadığını vurğuladı:

“Hazırda klubda heç bir maliyyə problemi yoxdur”.

“Kəpəz” Premyer Liqada keçirdiyi 29 turdan sonra topladığı 21 xalla turnir cədvəlinin 10-cu pilləsində qərarlaşıb. Komanda növbəti turda Yevlaxda “Sumqayıt”la qarşılaşacaq.

mənbə komanda .az