"Kəpəz"in baş məşqçisi Azər Bağırov Misli Premyer Liqasının 29-cu turunda "Şamaxı"ya uduzduqları matç (0:2) haqda danışıb.

Futbolmedia.az xəbər verir ki, baş məşqçi ardıcıl məğlubiyyətlərin komandaya təsirindən bəhs edərək fərdi səhvlərin üzücü nəticələrə səbəb olduğunu diqqətə çatdırıb:

"Dörd turdur ki, məğlub olmaq komandanı pis duruma salıb. Bu gün qələbə istəyirdik. Sadəcə diqqətsizlik qolla nəticələnir. "Şamaxı"nı təbrik edirəm. İkinci hissədə biz daha üstün idik. Qol da vurduq. Şakir Seyidovun top itkisindən sonra qapımıza qolla nəticələndi. Orta xətdə səhv etməməli olduğumuzu demişdik. Təəssüf ki, səhvlər təkrarlanır və üzücü məğlubiyyətlər alırıq".

Mütəxəssis komanda daxilindəki mümkün təzyiqlər və kənar müdaxilələrlə bağlı iddialara, eləcə də rəhbərliyin dəstəyinə belə münasibət bildirib:

"Hər şeyi görən Allahdır. İşimi vicdanla görməyə çalışıra