"Sabah" Misli Premyer Liqasının 27-ci turunda doğma meydanda "Zirə" ilə 2:2 hesablı heç-heçəyə razılaşıb.

Futbolmedia.az xəbər verir ki, qarşılaşmadan sonra Masazır təmsilçisinin baş məşqçisi Valdas Dambrauskas oyun barədə fikirlərini bölüşüb. Mütəxəssis komandasının oyun üslubuna sadiqliyini və rəqibin taktiki planını dəyərləndirib:

"Bu gün həqiqətən də yaxşı oyun alındı və azarkeşlər qollu matça şahid oldular. İlk dəqiqədən son saniyəyə qədər qalib gəlmək üçün vuruşduq. 90 dəqiqə ərzində öz oyun prinsiplərimizə sadiq qaldıq. Topa daha çox nəzarət edən, pressinq edən və hücuma atılan tərəf biz idik. "Zirə"ni təbrik edirəm, yəqin ki, bura bir xal üçün gəlmişdilər və buna nail oldular. Rəqibin yaxşı oyun planı var idi".

V. Dambrauskas komandasının göstərdiyi əzmkarlığa və buraxılan qollardakı səhvlərə toxunub:

"Ardıcıl üçüncü matçdır ki, birinci hissədə hesabda geri düşməyimizə baxmayaraq özümüzdə cəsarət tapıb vəziyyəti bərabərləşdiririk. Bu gün hər iki hissədə çoxlu qol fürsətlərimiz oldu, bəlkə ikinci hissədə əlavə 3-4 dəqiqəmiz də olsaydı, fərqlənə bilərdik. Lakin bu gün bizim günümüz deyildi. Müdafiədəki səhvlərimizi dərindən təhlil etməliyik. Artıq bu oyunu unudub yolumuza davam etməliyik. Sabahdan etibarən "Qarabağ"la keçirəcəyimiz iki qarşılaşmaya hazırlaşmalıyıq".

Rəqiblərin xal itirməsinin onlara təsir edib-etməməsi ilə bağlı sualı baş məşqçi belə cavalandırıb:

"Digər komandaların xal itirməsi barədə heç düşünmürəm, çünki bu gün meydanda dominant tərəf biz idik. Sadəcə olaraq öz səhvlərimizə görə qollar buraxdıq. Bu səhvləri dərindən təhlil etməliyik. Rəqib birinci hissədə iki dəfə qapımıza gəldi və iki qol vurdu. Mövsüm ərzində az qol buraxırdıq. Nəyə görə qollar buraxdığımızı təhlil edəcəyik. Biz yalnız öz oyunumuza köklənirik və heç bir klubun köməyinə ehtiyacımız yoxdur. Rəqiblərin nəticələrinə baxmırıq".

Təcrübəli mütəxəssis Şamaxıdakı nəticənin onlara təsir etmədiyini və komandasının sona qədər qələbə üçün vuruşduğunu bildirib: