“Sabah” Azərbaycan Premyer Liqasının 7-ci turunda “Karvan-Yevlax”la qarşılaşıb və 2:0 hesabı ilə qalib gəlib.

Futbolmedia.az xəbər verir ki, matçdan sonra "Sabah"ın baş məşqçisi Valdas Dambrauskas mətbuat konfransında oyunu şərh edib.

Litvalı mütəxəssis qeyd edib ki, komanda oyuna ilk dəqiqədən üstün başlayıb:

“İlk hissədə iki qol vurduq, daha çox fərqlənmək istəyirdik. Oyunun son saniyələrində baş verənlər hamımızı kədərləndirdi. Ümid edirəm, Mikelsin zədəsi ciddi deyil.”

Dambrauskas hakim qərarlarına da münasibət bildirib:

“AFFA Hakimlər Komitəsinin sədri Frank De Blekerin fikirlərinə hörmətlə yanaşıram, amma şəxsi rəyim budur ki, mövsümün sonuna qədər belə qərarlar davam edəcək, ya yox, maraqlıdır.”

Baş məşqçi komandasının hücum potensialını da vurğulayıb:

“Super sürətdən istifadə etmədiyimizi düşünmürəm. Bir qolumuz ləğv olundu. Belə rəqiblərə qarşı daha əvvəl qol vurmaq çətin idi, amma bu dəfə iki dəfə fərqləndik. Oyunboyu dominant tərəf biz idik.”

Mikelsin zədəsi və qarşıdakı oyunlarla bağlı isə Dambrauskas bildirib:

“İstər Mikels oynasın, istər oynamasın – futbol belədir. Əlimizdə olanlarla oynayacağıq və qarşıdakı matçlara 11 nəfərlə çıxacağıq.”