Misli Premyer Liqasının 18-ci turu çərçivəsində "Kəpəz" "Şamaxı"nı qəbul edib. Matç "Şamaxı"nın 2:0 hesablı qələbəsi ilə başa çatıb.

Futbolmedia.az xəbər verir ki, "Şamaxı"nın baş məşqçisi Ayxan Abbasov matçdan sonra rəqib üzərində qazanılan qələbəni şərh edib.

Mütəxəssis rəqibin "Qarabağ"la oyundan sonra yüksək motivasiyalı olduğunu, lakin komandasının xarakter nümayiş etdirdiyini vurğulayıb. O, bu qələbənin turnir cədvəli baxımından strateji əhəmiyyət daşıdığını bildirərək futbolçularının reaksiyasından məmnunluğunu ifadə edib:

"Çempionatda ən vacib qələbələrimizdən birini qazandıq. Rəqib "Qarabağ" səfərindən sonra yüksək motivasiya ilə çıxmışdı. Bu gün futbolçularımın oyundan sonra göstərdiyi reaksiya və məsuliyyət məni xüsusilə sevindirdi. Mən bu ruhu tanıyıram. Bu, komandamın xarakteridir. Artıq rəqiblərimizdən birinin mövqeyinə yaxınlaşmışıq və bu, gələcək üçün çox vacibdir."

Abbasov komandanı dəstəkləməyə gələn azarkeşlərə də təşəkkür edib:

"Onların verdiyi ruh bu qələbənin əsas səbəblərindən biridir".

Baş məşqçi məğlubiyyətlərdən sonra ünvanına səslənən tənqidlərə də münasibət bildirib:

“Məğlubiyyətlərdən sonra tənqidlər yaranır, deyirlər ki, iki yerdə işləmək guya problemdir. Bilirəm, uduzanda belə söhbətlər olur. Mən isə istirahət günlərimdə belə işləyirəm”.

Ayxan Abbasov Azərbaycan kubokunda “Qarabağ”a qarşı oyunda heyətdə dəyişikliklərin olub-olmayacağı ilə bağlı suala isə belə cavab verib: