Səudiyyə Ərəbıstanında baş tutan Madrid derbisində qalmaqal yaşanıb.

Futbolmedia.az xəbər verir ki, İspaniya Superkubokunun yarımfinalında “Real”a 1:2 hesabı ilə uduzan “Atletiko”nun baş məşqçisi Dieqo Simeone oyunun gedişində rəqibin vingeri Vinisius Junioru təxribata çəkməyə çalışıb.

Məlumata görə, Simeone ilk dəfə fasilədən əvvəl braziliyalı futbolçuya səslənərək deyib: “Vini, Vini… Florentino (Peres) səni qovacaq, sözümü unutma”.

İkinci insident isə Vinisiusun 81-ci dəqiqədə Arda Gülerlə əvəzlənməsindən sonra baş verib. Futbolçu meydanı tərk edərkən Simeone tribunalara işarə edib, daha sonra isə barmağını qulağına apararaq jestlər göstərib.