“Atletiko”nun baş məşqçisi Dieqo Simeone “qızıl top”un “Mançester Siti”nin və İspaniya millisinin yarımmüdafiəçisi Rodri Hernandesə təqdim olunmasını şərh edib.

Futbolmedia.az “Mundo Deportivo”-ya istinadən xəbər verir ki, o, ispaniyalı futbolçunun bu mükafata layiq olduğunu söyləyib:

“Onun adına şadam, o, mükafata layiqdir. Rodri əla oyunçudur. O, “Atletiko”da cəmi bir il keçirdi, lakin böyük təəssürat buraxdı. Rodri həmin mövsüm bizə çox şey verdi”.

Rodri karyerasında ilk dəfə “qızıl top”u qazanıb. Səsvermədə ikinci yeri “Real”ın hücumçusu Vinisius Junior tutub. İlk üçlüyü Madrid klubunun yarımmüdafiəçisi Çud Bellingem tamamlayıb.