"Atletiko"nun baş məşqçisi Dieqo Simeone Madrid təmsilçisinin cari mövsümdə göstərdiyi nəticələrlə bağlı fikirlərini bölüşüb.

Futbolmedia.az "Marca"ya istinadən xəbər verir ki, onun komandası La Liqada sona 1 tur qalmış 73 xalla 4-cü pillədədir. Həmçinin "Atletiko" avrokuboklarda, İspaniya kubokunda və Superkubokda titul qazanmaq şanslarını da itirib. Simeone bununla balı deyib:

“Bu mövsümün nə üstünlüklərini, nə də mənfi cəhətlərini görə bilmirəm. Təbii ki, bəzi anlarda səhv seçim etdim, bu da uğursuz nəticələrə səbəb oldu. Mən həmişə daha yaxşı olmaq istəyirəm. Futbolçularım yaxşı mövsüm keçirdilər. Mən isə yox”.