“Atletiko”nun baş məşqçisi Dieqo Simeone Çempionlar Liqasının 1/8 final mərhələsinin “Mançester Yunayted”lə cavab oyunu ilə bağlı gözləntilərini bölüşüb.

Futbolmedia.az xəbər verir ki, UEFA-nın rəsmi saytına danışan argentinalı məşqçi özlərinə əmin olduqlarını deyib:

“Mançester Yunayted”in potensialını, evdə necə təhlükəli olduğunu bilirik. Amma biz özümüzə əminik. Mən hər iki komandanın təzyiq altında olacağı, sürətli oyun təsəvvür edirəm. Çalışacağıq ki, əks-hücumlardan istifadə edərək, rəqibin buraxdığı səhvlərdən yararlanaq. Onlar həm də, əla əks-hücumlar qururlar. Bu, “Mançester Yunayted”in ən güclü silahlarından biridir”.

Bu gün keçiriləcək “Mançester Yunayted” – “Atletiko” matçı saat 00.00-da başlayacaq. İspaniyada keçirilən ilk oyunda 1:1 hesabı qeydə alınıb.