"Mənə elə gəldi ki, baş hakimin gözündə mənə qarşı nifrət var idi".

Futbolmedia.az xəbər verir ki, bu sözləri "Qəbələ"nin baş məşqçisi Kaxaber Sxadadze Misli Premyer Liqasının 16-cı turunda "Qarabağ"a 1:2 hesablı məğlubiyyəti şərh edərkən deyib.

Gürcü mütəxəssis oyunun tempinin çox yüksək olduğunu və komandasının yaxşı mübarizə apardığını bildirib:

"Qarabağ"ı təbrik edirəm. Çox yüksək səviyyəli oyun getdi, temp yüksək idi. Komandam yaxşı oynadı, onlara təşəkkür edirəm. Son 15 dəqiqədə yorğunluq hiss olundu. Qışda heyəti gücləndirdikdən sonra komanda 77 dəqiqə yox, 90 dəqiqə oynaya bilər və daha yaxşı nəticələr göstərəcək. Bir xal qazansaydıq, yaxşı olardı, amma alınmadı. Buna rəğmən, futbolçularımdan çox razıyam".

Kaxaber Sxadadze oyunularının bügünkü oyuna xüsusi motivasiyə ilə çıxdığına bu cür aydınlıq gətirib:

"Oyundan əvvəl futbolçularla danışdıq. Onlara dedim ki, böyük komandalara qarşı oynamaq özlərini göstərmək üçün böyük fürsətdir. Belə matçlarda futbolçular özlərini göstərə bilməlidir. Heç birinə iradım yoxdur. Belə rəqiblərə qarşı motivasiyalı olmaq çətin deyil, amma nəticə qazanmaq üçün bir az gücümüz çatmadı".