"Qəbələ"nin baş məşqçisi Kaxaber Sxadadze Misli Premyer Liqasının 1-ci turunda səfərdə "Karvan"la 1:1 hesablı heç-heçə etdikləri oyunu şərh edib.

Futbolmedia.az xəbər verir ki, o, matçdan sonra keçirilən mətbuat konfransında deyib:

- Mövsümün başlaması münasibətilə hər kəsi təbrik edirəm. Ümid edirəm ki, maraqlı mövsüm olacaq. Xeyli sayda qol imkanlarımız oldu. Futbolçularım yaxşı oynadı. Hər birindən razıyam. Biz fürstələri dəyərləndirə bilmədik. Əvəzində rəqib qol vurdu. Futbolda belə hallar olur.

- Sizə elə gəlmir ki, oyunun qırılma nöqtəsi etdiyiniz əvəzetmələr oldu? Meydana daxil olanlar sanki oyuna güc qata bilmədi...

- Sizinlə razıyam. Onlar hamısı bizim komandanın üzvləridir. Yorğun olduğu üçün bəzi futbolçuları əvəzlədim. Düz qeyd edirsiniz, meydana buraxdığımız oyunçulardan gözlədiyimiz nəticəni ala bilmədik. Komanda 11 oyunçudan ibarət deyil. Hamıya şans verməliyik. Sanqare bir həftədir bizə qoşulub. Uyğunlaşmaq üçün ona vaxt lazımdır.

- Start heyətində 1-ci Liqadakı komandadan 6 futbolçu var idi. Bunun hansı mənfi və ya müsbət cəhətləri var?

- Hamısından razıyam. Komandada gənclərlə yanaşı təcrübəli oyunçular da var. Doni Massumo Azərbaycana gələnə kimi peşəkar səviyyədə oynamırdı. Amma bu gün onun oyununu görürsünüz.

- "Qəbələ"nin bu mövsüm hədəfi nə olacaq?

- Bu il bizim hədəfimiz mümkün qədər yuxarı yerlərdə qalmaq və Premyer Liqada möhkəmlənməkdir. Aşağı liqadan gələn komanda üçün yüksək yerlər uğrunda oynamaq çətindir. Addım-addım gedirik. Heç bir komandadan çəkinməyəcəyik, "avtobus" qurmayacağıq.

- Qol fürsətlərinin dəyərləndirilməməsini rəqib qapıçının ustalığı na bağlayırsınız, yoxsa sizin oyunçular zərbələri istənilən kimi vura bilmədi?

- Rəqibin qapıçısı çox yaxşı idi. Bizim oyunçularda da soyuqqanlılıq çatmırdı. Əsas odurki, qol imkanları yarada bilirik. Buna ancaq sevi