"Oyunçular və komandamla həddindən artıq qürur duyuram. Oyuna yaxşı girə bilmədik. Bu da rəqibin sərt olması ilə bağlı idi. Oyunçularım əzmkarlıq göstərdilər".

Futbolmedia.az-ın məlumatına bunu "Neftçi"nin baş məşqçisi Samir Abasov səfərdə "Zirə" ilə 2:2 hesablı heç-heçə etdikləri Misli Premyer Liqasının 7-ci tur matçından sonra mətbuat konfransında deyib.

47 yaşlı mütəxəssis bildirib ki, oyunçuları təkcə meydana hazır etməli deyillər: "Oyuna görə nəticəni qoyaq kənara. İşimiz çoxdur. Yeni oyunçular gətirmişik. Oyun dramatik keçdi. Əvvəlki matçlarda da favorit biz idik. Bitiriciliklə bağlı problemimiz var, bunları da aradan qaldıracağıq. Bunlar məşqlərlə düzələsi bir şeydirsə, söz verərdik ki, gələn oyun aradan qalxacaq".

Abasov "Zirə"nin ikinci qolu vurması ilə nəticələnən penalti epizodu barədə də danışıb: "Görünməyən VAR ilə penalti verdi yox, penalti çıxardı. Maraqlısı odur ki, dördüncü hakimə dəfərlərlə yalvardım. Dedim ki, qoldan əvvəl Alesio Kurçinin epizoduna da baxsın. O da söz verdi ki, baxdıracaq. Amma sonradan baş hakim dedi ki, mənə bu barədə deyən olmadı. Çoxlarında “Neftçi"nin yaxşı olma qorxusu var. Bunu da aradan qaldıracağıq"