“Real”ın hücumçusu Vinisius Junior yayda “Sabah”ın UEFA Çempionlar Liqasında rəqibi olan “Arsenal”a keçmək variantını ciddi şəkildə nəzərdən keçirib.

Futbolmedia.az “The Touchline”-a istinadən xəbər verir ki, braziliyalı futbolçunun nümayəndələrindən biri olan agent Maykl Yormark Vinisiusun London klubunun təklifinə münasibətini açıqlayıb:

“Vinisius “Arsenal”ın təklifini ciddi nəzərdən keçirirdimi? Əlbəttə, bəli. “Arsenal” kimi bir klub sənə xüsusi münasibət göstərib, səni həqiqətən istədiyini hiss etdirirsə, təbii ki, bunu dinləməlisən. Amma Vinisinin ürəyi Madriddədir. O, həmişə orada olmaq istəyib və karyerasının qalan hissəsini də orada keçirməyə ümid edir”.

26 yaşlı Vinisius Madrid klubu ilə müqaviləsinin müddətini 2032-ci ilə qədər uzadıb.