"Hücumda da çox yaxşı imkanlarımız oldu. Lakin səhvlərimizi də inkar etmək olmaz. Futbolçular çox yaxşı çalışdılar. Müdafiədə etibarlı oynadıq. Ən vacibi isə qol buraxmadıq”.

Futbolmedia.az

xəbər verir ki, bu sözləri “Qəbələ”nin baş məşqçisi Kaxaber Tsxadadze deyib. Gürcüstanlı mütəxəssis Azərbaycan 1-ci Liqasının "Cəbrayıl"la görüşünü şərh edib. O, 2:0 hesablı qələbə haqda danışıb:

“İşləməli olduğumuz bəzi məqamlar var. Matç başa çatdıqdan sonra futbolçularıma təşəkkür etdim. Gördükləri işi çox yüksək qiymətləndirirəm. Lakin dayanmadan çalışmaq lazımdır. Çünki bizim məqsədimiz daim irəli getməkdir. Yolumuz uzundur”.

Baş məşqçi komandasının lider kimi başa vurduğu I dövrə barədə də fikirlərini bildirib: “Birinci dövrəni məğlubiyyətsiz başa vurduq. Həmçinin qol da buraxmadıq. Həmişə çalışmışıq ki, müdafiədə etibarlı oynayaq. Lakin bu, hələ birinci dövrədir. Nəticə bizi aldatmalı deyil. Qarşıda hələ 2 dövrə olacaq. Məqsədə çatmaq üçün daha çox çalışmalıyıq".