"İlk hissədə yaxşı oynadıq. Rəqib azlıqda qalana qədər oyunu idarə edən tərəf bizi idik. "Zirə" 10 nəfərlə oynamağa başlayandan sonra futbolçularım düşünürdülər ki, asanlıqla qələbə qazanacaqlar. "Zirə" qırmızı vərəqən sonra toparlandı, standart vəziyyətdən qapımıza qol vurdular. Səhvlərimizdən "Zirə"yə iki qol hədiyyə etdik".

Futbolmedia.az xəbər verir ki, bu sözləri "Neftçi"nin baş məşqçisi Miodraq Bojoviç Misli Premyer Liqasının 31-ci turunda "Zirə"yə 1:3 hesabı ilə uduzduqları oyundan sonra keçirilən mətbuat konfransında deyib.

O, komandasının 10 nəfərlə qalan rəqibə uduzması ilə bağlı söyləyib: "Futbolda bəzən belə hallar olur ki, azlıqda qalan rəqibə məğlub olur. Ona görə hamı bu idman növünü sevir. Çünki nəticəni öncədən proqnozlaşdırmaq mümkün deyil".