"Məncə, bu gün oyunumuz alınmadı. Rəqib qapısı qarşısında təhlükəli epizodlar yarada bilmədik".

Futbolmedia.az xəbər verir ki, bu sözləri "Neftçi"nin baş məşqçisi Miodraq Bojoviç Misli Premyer Liqasının 22-ci turunda bu gün "Araz-Naxçıvan"la keçirilən oyundan sonra mətbuat konfransında deyib.

0:1 hesabı ilə uduzduqları matçı şərh edən monteneqrolu mütəxəssis zəif oynadıqlarını bildirib: "Oyun ərzində yüz faizlik qol şansımız olmadı. Düzdür, uzaqdan zərbələr var idi, amma xüsusi bir şey görmədim. Bu oyunda qələbəyə layiq deyildik. Penalti epizodunu görə bilmədim. Mənim olduğum yerdən görünmürdü".