"Qarabağ"ın forvardı Redon Cica yeni mövsümə böyük ehtimalla fərqli komandada başlayacaq.

Futbolmedia.az saytına verilən məlumata görə, albaniyalı hücumçunun ölkəsinə qayıtmaq ehtimalı yüksəkdir.

Ağdam klubuna transferindən sonra tez-tez oynasa da, sonradan ehtiyata düşən Cica bu durumdan narazıdır. Ona görə də, o, özü üçün daha çox oynayacağı komanda axtarır.

"Tirana" isə Cicanı tez bir zamanda geri qaytarmağa hazırdır. Mövsümün sonunda Albaniya klubunun icarə əsasında sabiq forvardını geri qaytaracağı gözlənilir.