“Vitoriya”nın (Portuqaliya) hücumçusu Abdul-Aziz Yakubunun “Qarabağ”a keçidi baş tutmayıb.

Futbolmedia.az-ın əldə etdiyi məlumata görə, qanalı hücumçu tibbi müayinədən uğurla keçə bilməyib. Onun Ağdam klubunun düşərgəsinə zədəli halda gəldiyi və qarşıdakı avrokubok matçlarına qədər hazır olmayacağı müəyyənləşib. Bu səbəbdən Ağdam klubu 23 yaşlı futbolçu ilə müqavilə bağlamayıb və o, Portuqaliya klubuna geri qayıdıb.

Qeyd edək ki, Abdul-Aziz Yakubu bir neçə gün idi ki, "Qarabağ"ın düşərgəsində idi. Klub onun transferi üçün yüksək təzminat verməyə hazır olub.