“Sabah” bu gün Türkiyənin Antalya şəhərində təlim-məşq toplanışı çərçivəsində ilk yoxlama oyununa çıxacaq.

Futbolmedia.az xəbər verir ki, Bakı klubu Rumıniya yüksək liqa təmsilçisi “Rapid”lə qarşılaşacaq. Görüş Bakı vaxtı ilə saat 18:00-da başlayacaq.

Murad Musayevin baş məşqçisi olduğu komanda daha bir yoxlama oyununda qüvvəsini sınamağı planlaşdırır.

Qeyd edək ki, “Sabah” Misli Premyer Liqasında 22 xalla 8-ci pillədə qərarlaşıb. "Rapid" isə ölkə çempionatında 33 xalla 4-cüdür.

9 yanvar

Yoxlama oyunu

18:00. "Sabah" - "Rapid" (Rumıniya)