“Qəbələ” bu gün yoxlama oyunu keçirəcək.

Futbolmedia.az xəbər verir ki, yanvarın 4-dən Türkiyənin Antalya şəhərində təlim-məşq toplanışında olan “qırmızı-qaralar” ilk sınağına çıxacaq.

Mövsümün ikinci yarısının hazırlığı çərçivəsindəki ilk dueldə rəqib Rumıniyanın “Sepsi” klubu olacaq. Qarşılaşma Bakı vaxtı ilə saat 16:00-da başlayacaq.

“Sepsi” Rumıniya kubokunun və Superkubokun son qalibidir. Komanda hazırda Rumıniyanın yüksək liqasında 21 oyuna 32 xalla 6-cıdır.

Xatırladaq ki, "Qəbələ" Antalyada daha iki yoxlama matçına çıxacaq. Elmar Baxşıyevin komandası yanvarın 14-də Almaniyanın “Lukenvalde”, 16-da Çexiyanın “Teplitse” klubu ilə görüşəcək.



12 yanvar

Yoxlama oyunu

16:00. “Qəbələ” – “Sepsi” (Rumıniya)

“Arcadia Sports Senter”