“Qremio”nun hücumçusu Luis Suares 2023-cü ildə Braziliya çempionatının ən yaxşı futbolçusu seçilib.

Futbolmedia.az xəbər verir ki, bu barədə klubun saytı məlumat yayıb.

“Başqa cür ola bilməz. Luis Suares 2023-cü ilin ən yaxşı hücumçusu və futbolçusu seçilib. Azarkeşlərimizin kumiri “Gümüş top” və “Qızıl top”u aldı. O, sadəcə bombardirdən daha çox, "Qremio" üçün meydanda dahidir”.

Xatırladaq ki, 36 yaşlı uruqvaylı forvard Braziliya A Seriyasında 33 matçda iştirak edib, 17 qol vurub, 11 qolun ötürməsini verib. Braziliya çempionatının nəticələrinə görə, "Qremio" "Palmeyras"a uduzaraq turnir cədvəlində 2-ci yeri tutub.