“Liverpul”un keçmiş hücumçusu Luis Suares karyerasına o qədər də yaxşı başlamadığı üçün dəstəyə ehtiyacı olanda komandanın futbolçusu Darvin Nunyeslə danışdığını söyləyib.

Futbolmedia.az “Daily Mail”-ə istinadən xəbər verir ki, Suares həmyerlisinə xəbərdarlıq etdiyini də bildirib:

“Onun potensialı, texniki bacarığı və fiziki gücü var. Onun indi oynadığı futbol məni təəccübləndirmir. Keçən mövsüm, o, çətin günlər keçirərkən, “Liverpul”dakı insanlar məndən onunla danışmağımı istədi, mən də bunu etdim. Mən ona xəbərdarlıq etdim və ingilis futbolunun necə olduğunu söylədim. Nunyes məni dinlədi və o anda başına gələnləri danışdı. Biz bu haqda danışdıq”.

Nunyes bu mövsüm İngiltərə Premyer Liqasında “Liverpul”un heyətində 11 oyun keçirib, 4 qol vurub və 4 məhsuldar ötürmə edib.