Bu gün Çempionlar Liqasının birinci təsnifat mərhələsində "Qarabağ" cavab oyununu keçirəcək.

Bakı Olimpiya Stadionunda Cəbəllütariqin "Linkoln" komandasına qarşı cavab matçı yerli vaxtla saat 20:00-da başlanacaq. İlk oyun 2:1 hesabı ilə Ağdam təmsilçisinin xeyrinə başa çatdığından Azərbaycan çempionunun növbəti mərhələyə yüksəlmək şansı çoxdur.

Bəs, "Qarabağ" ikinci mərhələyə adlayarsa, onun ilk oyunu nə vaxt olacaq? Qol.az xəbər verir ki, ikinci mərhələdəki rəqib "Rakuv"la (Polşa) görüş gələn həftə - iyulun 26-da səfərdə keçiriləcək. Oyun Bakı vaxtı ilə sat 22:15-də start götürəcək. Oyunu başda Lukas Fendrix olmaqla İsveçrədən olan hakimlər briqadası idarə edəcək. Matç Çenstohova şəhəri stadionunda təşkil olunacaq. Artıq UEFA oyunun vaxtı və hakimlərini təsdiqləyib.

İkinci mərhələnin cavab matçının tarixi hələlik təsdiqlənməyib. Lakin öncədən elan olunub ki, bu oyunlar 1/2 avqusta təyin edilib.