Bu gün Çempionlar Liqasında birinci təsnifat mərhələsinin cavab oyunları başlanacaq.

Futbolmedia.az xəbər verir ki, ilk oyun günündə 8 matç keçiriləcək. Onlardan biri də “Flora” (Estoniya) - “Rakuv” (Polşa) görüşüdür. Bu cütün qalibi ikinci təsnifat mərhələsində “Qarabağ” - “Linkoln” cütünün güclüsünə rəqib olacaq.

Xatırladaq ki, “Rakuv” ilk matçda 1:0 hesabı ilə qələbə qazanıb. Ağdam təmsilçisi də birinci oyunda qalib gəlib - 2:1.

Bu gün Tallində keçirələcək qarşılaşma Bakı vaxtı ilə saat 21:00-da başlanacaq.

Əlavə edək ki, “Qarabağ” - “Linkoln” oyunu isə sabah keçiriləcək.