Türkiyə mətbuatında Azərbaycan millisinin hücumçusu Mahir Emreli ilə bağlı yeni məlumat yayılıb.

Futbolmedia.az xəbər verir ki, Konyada nəşr olunan “Anadoluda bugün” nəşri M.Emrelinin “Konyaspor”dan ayrılması ilə bağlı xəbər dərc edib. Məlumatda xatırladılıb ki, M.Emreli bu ilin qışında “Dinamo” Zaqrebdən icarə qaydasında “Konyaspor”a keçib. Onun müqaviləsində icarə müddəti başa çatdıqdan sonra futbolçunun birdəfəlik transfer edilə biləcəyinə dair bənd də olub. Həmin bəndə əsasən, “Konyaspor” 1 milyon avro qarşılığında Emrelini ala bilər. Lakin qəzetin yazdığına görə, “Konyaspor” bu məbləği ödəmək fikrində deyil.