Bu gün Azərbaycanın daha 2 idmançısı Tokio-2020 Yay Olimpiya Oyunlarında mübarizəyə başlayacaq.

Futbolmedia.az xəbər verir ki, bunlar cüdoçu Məmmədəli Mehdiyev və boksçu Alfonso Domingesdir.
90 kq çəki dərəcəsində mübarizə aparan Mehdiyev 1/16 final mərhələsində Rafael Makedo (Braziliya) / İslam Bozbayev (Qazaxıstan) cütünün qalibi ilə qarşılaşacaq.
Əsas vaxtda qalib müəyyənləşməyib. Qızıl xal bölümündə rəqibinə vazari ilə qalib gələn Mehdiyev 1/8 finala yüksəlib. O, bu mərhələdə rusiyalı Mixail İqolnikovla qarşılaşıb və vazari xalı ilə məğlub olaraq mübarizəni dayandırıb.

Dominges isə 1/8 finalda Dilşodbek Ruzmetovlə (Özbəkistan) üz-üzə gələcək.

Bundan başqa, ilk oyunda qələbə qazanan badmintonçumuz Eddi Reski Dviçayo L qrupunda növbəti görüşünü keçirəcək. O, Anders Antonsenlə (Danimarka) qüvvəsini sınayacaq.

28 iyul

Cüdo

90 kq

1/16 final. Məmmədəli Mehdiyev - Rafael Makedo (Braziliya) / İslam Bozbayev (Qazaxıstan)

Badminton

L qrupu

Edi Reski Dviçayo - Anders Antonsen (Danimarka)

Boks

1/8 final. Alfonso Dominges - Dilşodbek Ruzmetov

Qeyd edək ki, indiyə kimi Azərbaycanın 17 idmançısı olimpiada ilə vidalaşıb.