“Barselona” İspaniya çempionatının növbəti turunda “Xetafe” ilə ev oyununa hazırlaşır.

Futbolmedia.az “Barca Universal”-a istinadən xəbər verir ki, Kataloniya təmsilçisinin liderlərindən olan Rafinya bu gün komanda ilə məşqə çıxmayıb.

Bununla belə, braziliyalı futbolçunun “Xetafe” ilə matçda iştirakı hələlik sual altına alınmayıb. Rafinya sabah tibbi müayinədən keçəcək və bundan sonra onun qarşıdakı matçda oynayıb-oynamayacağı dəqiqləşəcək.

29 yaşlı hücumçu daha əvvəl dizindəki narahatlıq səbəbindən Braziliya millisinin düşərgəsini vaxtından əvvəl tərk edib. O, 2026/27 mövsümündə “Barselona”nın heyətində 8 oyuna çıxıb, 14 qol vurub və 3 məhsuldar ötürmə verib. Onun komandası İspaniya La Liqasında 7 turdan sonra 21 xal toplayıb və turnir cədvəlinə başçılıq edir.