Fəaliyyətini dayandırmış "Simurq" klubunun keçmiş futbolçusu Mario Boziç vəfat edib.

Futbolmedia.az saytının Klix.ba-ya istinadən xəbər verir ki, sabiq yarımmüdafiəçi 40 yaşında xərçəng xəstəliyindən dünyasını dəyişib. Bir neçə il əvvəl Boziçdə beyin şişi aşkarlanmışdı. O, 2 dəfə əməliyyat olunsa da, xəstəlikdən qurtula bilməyib.

Qeyd edək ki, Boziç 2012/2013 mövsümündə "Simurq"un formasını geyinib. O, Bosniya və Herseqovina millisinin də keçmiş üzvü idi.