"Argentinaya qarşı oyununun çətin olacağını bilirdik. İlk dəqiqədən mübarizə apardıq, amma yekunda uduzduq. Fasilədən sonra qol buraxmaq çətin oldu. Argentinanın çox yaxşı oyunçuları var. Uduzsaq da, yekunda növbəti mərhələyə yüksələ bildik".

Futbolmedia.az xəbər verir ki, bu sözləri Polşa millisinin futbolçusu Robert Levandovski DÇ-2022-nin qrup mərhələsinin 3-cü turunda Argentinaya 0:2 hesabı ilə uduzduqları oyundan sonra deyib.

Məğlubiyyətə baxmayaraq, Polşa qrup 2-cisi kimi növbəti mərhələyə yüksəlib. Komanda 1/8 finalda Fransa ilə qarşılaşacaq.

Levandovski həmin görüşlə bağlı söyləyib: "Favorit Fransadır. Onların əla komandası var. Amma biz Fransanın Tunisə uduzduğu oyunu da gördük. Beləliklə, hər şey mümkündür. Bu, bizim üçün böyük sınaq olacaq. Biz bu gündən daha yaxşı oynamalı olacağıq".

Qeyd edək ki, dekabrın 4-ü keçiriləcək Fransa - Polşa görüşü Bakı vaxtı ilə saat 19:00-da başlayacaq.