Azərbaycan millisinin üzvü Mahi Emrelinin də formasını geyindiyi "Dinamo" (Zaqreb) bu gün Xorvatiya çempionatında növbəti oyununa çıxıb.

Futbolmedia.az xəbər verir ki, Ante Çaçiçin baş məşqçisi olduğu komanda 13-cü turda səfərdə "Hayduk"la qarşılaşıb. Matç 1:1 hesabı ilə başa çatıb.

Mahir bu oyunda iştirak etməyib. Emreli virusa yoluxduğu üçün onun adı iştirak ərizəsində də qeyd olunmayıb.

Qeyd edək ki, "Dinamo" hazırda turnir cədvəlində 35 xalla 1-ci, "Hayduk" isə 27 xalla 2-cidir.

Xorvatiya çempionatı, 13-cü tur

"Hayduk" - "Dinamo" (Zaqreb) - 1:1

Qollar: Livaya, 27 - Petkoviç, 72-pen.

Baş hakim: İqor Payaç

"Polyud" stadionu.