Azərbaycan millisinin üzvü Mahir Emrelinin də çıxış etdiyi "Dinamo" (Zaqreb) bu gün Xorvatiya çempionatında 8-ci tur oyununa çıxıb.

Futbolmedia.az xəbər verir ki, Zaqreb təmsilçisi evdə "Riyeka" ilə üz-üzə gəlib və 3:1 hesabı ilə qalib gəlib. M.Emreli sözügedən oyuna ehtiyat oyunçular skamyasında başlayıb və 77-ci dəqiqədə meydana daxil olub.

Qeyd edək ki, "Dinamo" hazırda turnir cədvəlində 22 xalla liderdir. "Riyeka" isə 5 xalla sonuncu 10-cu pillədə qərarlaşıb.

Xorvatiya çempionatı, 8-ci tur

22:00. "Dinamo" (Zaqreb) - "Riyeka" - 3:1

Qollar: Lauritsen, 28 (1:0), Spikiç, 30 (2:0), Orşiç, (3:0), Vlasenko, 84 (3:1)

Baş hakim: İqor Payaç

"Maksimir" stadionu