Slovakiya millisinin futbolçusu Erik Yirka Millətlər Liqasının 5-ci turunda ötən gecə Azərbaycan yığmasına uduzduqları oyundan (1:2) sonra fikirlərini bildirib.

Futbolmedia.az xəbər verir ki, komandasının yeganə qolunu vuran müdafiəçi yerli mətbuata açıqlamasında şanslarından istifadə edə bilmədiklərini deyib:

"Qol vurmağıma baxmayaraq, emosiyalar neqativdir. Qələbə qazana bilmədik. Şanslarımız çox olsa da, alınmadı. Bu, bizə xal itkisinə başa gəldi. İkinci hissədə yaxşı oynadıq və hücum edən tərəf olduq. Bu da kifayət etmədi".