Slovakiya millisinin futbolçusu Peter Pekarik Millətlər Liqasının qrup mərhələsinin 3-cü turunda Azərbaycanla keçirəcəkləri matç barədə danışıb.

Futbolmedia.az Slovakiya Futbol Federasiyasının rəsmi saytına istinadən xəbər verir ki, 36 yaşlı müdafiəçi deyib:

“Vəziyyət asan deyil. Mən keçmiş baş məşqçi cənab Tarkoviçə həm insan, həm də mütəxəssis kimi hörmət edirəm. Qazaxıstanla oyuna bütün komanda cavabdehdir. Komandayla müzakirə zamanı çox şeyə aydınlıq gətirdik. Biz Azərbaycan haqqında çox şey bilirik, mən burada üç il əvvəl oynamışdım. Rəqibimiz müdafiə futboluna üstünlük verən və meydanın mərkəzində təcrübəli oyunçulara malik komandadır. Biz rəqibə oyun sahəsi versək, kombinasiyalı hücumlar qura bilərlər. Fəallıq, konsentrasiya və gücümüzü artırmalıyıq. Yalnız Qazaxıstana qarşı çıxışımız görüşün gedişini alt-üst etdi. Çoxlu vəziyyətimiz olmadı, amma əldə etdiyimiz imkanlardan yararlanmalı idik".

Qeyd edək ki, Azərbaycan - Slovakiya oyunu Bakı vaxtı ilə saat 20:00-da başlayacaq.