UEFA Millətlər Liqasında millimizin rəqiblərindən olan Slovakiya millisinin baş məşqçisi ilə bağlı qərar bu ay veriləcək.

Futbolmedia.az xəbər verir ki, bu barədə "Refresher" nəşri məlumat yayıb. Bildirilib ki, millinin hazırkı baş məşqçisi Ştefan Tarkoviçin müqaviləsi dekabrın 31-i başa çatır.

Slovakiya Futbol Assosiasiyası bu vəzifəyə iki namizəd müəyyənləşdirib. Bunlar hazırkı çalışdırıcı Ştefan Tarkoviç və “Slovan”ın baş məşqçisi Vladimir Veyssdir. Qurum dekabrın 31-nə qədər qərar vermək niyyətindədir.

Qeyd edək ki, C liqasının 3-cü qrupunda yer alan Azərbaycan millisi Slovakiya ilə iyunun 10-da evdə, sentyabrın 22-də isə səfərdə qarşılaşacaq.