"Futbolçulara meydanda göstərdikləri xarakterə görə təşəkkür edirəm. Oyunun böyük hissəsini azlıqda oynadıq. "Qarabağ"a qarşı azlıqda oynamaq çətindir. Sona qədər nizam-intizamı saxlamaq lazım idi".

Futbolmedia.az [b][/b]xəbər verir ki, bu sözləri "Sabah"ın baş məşqçisi Murad Musayev Azərbaycan Premyer Liqasının 6-cı turunda bu gün "Qarabağ"a uduzduqları oyundan (3:4) sonra mətbuat konfransında deyib.

Rusiyalı mütəxəssis mübahisəli epizodların olduğu matçın hakim idarəçiliyi ilə bağlı isə bunları bildirib: "Oyuna yenidən baxmaq lazımdır. Mübahisəli epizodlar var idi. Əsasən də rəqibin dördüncü qolu zamanı".