"Qol imkanlarından yararlana bilmədik. Çox danışmaq istəmirəm. Yaxşı təşkilatlanmış komandaya qarşı oynadıq. Ələ düşən fürsətləri dəyərləndirməli idik".

Futbolmedia.az xəbər verir ki, bu sözləri "Sumqayıt"ın baş məşqçisi Aleksey Baqa Azərbaycan Premyer Liqasının 4-cü turunda evdə "Turan Tovuz"la qolsuz bərabərə qaldıqları oyundan sonra keçirilən mətbuat konfransıda deyib.

"Ötən matçla müqayisədə 2 dəyişiklik etdik. Xal itirməyimizə don geyindirmək istəmirəm. Bəzi oyunçuları ötən turdan əvvəl görmüşəm. Bir məqam da var ki, ilk 3 turda güclü rəqiblər ilə oynadıq. Yeni futbolçular var. Onlar üçün bu ölkə, çempionat yenidir. Uyğunlaşamaları üçün vaxt lazımdır" - deyə o bildirib.