PSJ-nin sabiq baş məşqçisi Maurisio Poçettino klubdan qovulmasında Kilian Mbappenin rolu ola biləcəyi ilə bağlı yayılan iddialara münasibət bildirib.

Futbolmedia.az Fransa mətbuatına istinadən xəbər verir ki, o deyib:

“Düşünürəm ki, PSJ Kilianı klubda saxlamaq üçün hər şeyi etməklə düzgün addım atdı. PSJ bu gün dünya futbolunun ən yaxşı oyunçularından biri olan Mbappeni qalmağa inandırmaq üçün bütün resurslarından istifadə etməli idi. Bununla belə, Mbappenin yeni baş məşqçi barədə qərar verən şəxs olduğunu düşünmürəm. Bu məsələləri prezident müəyyənləşdirir, yalnız o, klubda yeni layihə ilə bağlı qərar verə bilər”.

Qeyd edək ki, PSJ bu yay Poçettinonu istefaya göndərib. Onu Kristof Qaltye əvəzləyib.