Azərbaycan millisi bu gün Millətlər Liqasının qrup mərhələsində növbəti oyununa çıxacaq.

Futbolmedia.az xəbər verir ki, yığmamız 4-cü turda Belarusla doğma meydanda qarşılaşacaq. "Dalğa Arena"da keçiriləcək görüş saat 20:00-da başlayacaq.

Komandalar arasında 1 həftə əvvəl Belarusda oynanılan ilk matç 0:0 hesabı ilə yekunlaşıb.

Qrupun digər qarşılaşmasında isə qrup lideri Qazaxıstan Slovakiyanı qəbul edəcək.

Millətlər Liqası, 4-cü tur

20:00. Azərbaycan - Belarus

Hakimlər: Anastasios Papapetru, Trifon Petropulos, İordanis Aptosoqlu, Georgios Tsovaras (Yunanıstan)

"Dalğa Arena".

18:00. Qazaxıstan - Slovakiya

Baş hakim: Bram van Direşşe (Belçika)

"Astana Arena"