“Qrupdakı rəqiblərlə daha əvvəl qarşılaşmışıq. Deyə bilərik ki, onların hamısı keçmiş SSRİ ölkələridir".

Futbolmedia.az xarici KİV-lərə istinadən xəbər verir ki, bu sözləri Slovakiya millisinin kapitanı Marek Hamşik UEFA Millətlər Liqasının püşkünü dəyərləndirərkən deyib.

Slovakiya C Liqasında Belarus, Azərbaycan, eləcə də Qazaxıstan-Moldova cütünün qalibi ilə birgə 3-cü qrupda mübarizə aparacaq.

Hamşik Belarus və Azərbaycan yığmalarını yaxşı tanıdıqlarını söyləyib: "Qrupda tanımadığımız yeni rəqib yer alacaq. Bu ya Qazaxıstan, ya da Moldova millisi olacaq. Münasib qrupa düşdüyümüzü düşünürəm. Biz mütləq favoritik və 1-ci yer uğrunda mübarizə aparacağıq”.