"Almeriya" və "Valyadolid" La Liqaya yüksəliblər.

Futbolmedia.az xəbər verir ki, Sequndada mövsümünün son turunda "Almeriya" "Leqanes" ilə 2-2 bərabərə qalıb. "Almeriya" 42 matçdan 81 xalla Sequndada 1-ci olub. “Valyadolid” son oyunda “Hueska”nı məğlub edərək (3:0) mövsümü 2-ci pillədə başa vurub. Komanda da 81 xal toplayıb, lakin əlavə göstəricilərdə - şəxsi görüşlərin nəticələrində "Almeriya"ya uduzub.

"Valyadolid" aşağı liqaya düşdükdən bir il sonra La Liqaya qayıdıb. "Almeriya" isə 2015-ci ildən bəri yüksək liqada oynamırdı.

Qeyd edək ki, "Eybar", "Las Palmas", "Tenerife" və "Jirona" pley-off mərhələsində La Liqaya daha bir vəsiqə uğrunda oynayacaq.