“Sumqayıt”ın sabiq məşqçisi Elnur Çodarov klubu və AFFA-nı Beynəlxalq İdman Arbitraj Məhkəməsi – CAS-a şikayət prosesinə baslayıb.

Futbolmedia.Az xəbər verir ki, daha əvvəl Çodarov AFFA-nın Oyunçuların Statusu və Transferi Komitəsinə şikəyət etmişdi. Buna “Sumqayıt”ın müqaviləni birtərəfli şəkildə pozması və məşqçinin dörd aylıq əmək haqqını ödəməməsi səbəb olub. Komitə şikayəti təmin etsə də, sonradan AFFA-nın Apellyasiya Arbitraj Tribunalı “Sumqayıt”ın apellyasiya şikayətini təmin edərək E.Çodarova təzminat ödənilməsi ilə bağlı qərarı ləğv edib. AFFA yekundan şikayəti təmin etmədiyindən gənc mütəxəssis CAS-a üz tutub.


E.Çodarov bildirib ki, sona qədər haqqını tələb edəcək: “Artıq növbəti addım CAS-dır. Bununla bağlı fəaliyyəti Tribunalın qərarını aldıqdan dərhal sonra başlamışam. CAS-a müraciətlə bağlı ilk addımı atmışıq. Prosedur qaydalarına əsasən login və parol da əldə edilib. Yani rəsmi prosedura start vermişik”.