Xorvatiya liqasında 35-ci turun oyunları davam edir.

Futbolmedia.az xəbər verir ki, turnir cədvəlinin lideri, Azərbaycan millisinin hücumçusu Mahir Emrelinin çıxış etdiyi “Dinamo” səfərdə “Sibenik”in (turnir cədvəlinin 8-cisi) qonağı olacaq. Oyun Bakı vaxtı ilə saat 21.05-də başlanacaq.

Qeyd edək ki, hazırda “Dinamo” 34 oyundan 73 xalla birinci, ondan bir matç çox keçirən “Hayduk” isə 72 xalla ikinci yeri tutur. Odur ki, bu gün qələbə qazanacağı halda “Dinamo” liqanın bitməsinə bir tur qalmış çempionluğu (23-cü dəfə) təmin edəcək. Belə olarsa, M.Emreli də legioner kimi ilk çempionluğu yaşayacaq.