“Mançester Siti”nin baş məşqçisi Xosep Qvardiola Erlinq Haalandı alacaqlarına dair yayılan xəbərlərə münasibət bildirib.

Futbolmedia.az xəbər verir ki, o, jurnalistlərə açıqlamasında deyib: “Mən bura gələndən hər ay deyirlər ki, 50 fufbolçu transfer edəcəyik. Mən indi başqa komandanın oyunçusunu müzakirə etməyəcəm. O, “Borussiya”da çıxış edir, bizim isə qarşıda xeyli matçımız var. Transfer pəncərəsi yayda açılacaq. O vaxt isə çox şey ola bilər”.

Qvardiola həmçinin deyib: “Bəlkə də mən nə vaxtsa bizə qarşıdakı 5-7 il üçün hücumçu lazım olduğunu söyləmişəm. Amma mən o insanlardan deyiləm ki, hər hansı uğursuzluğu hücumçunun olmaması ilə əlaqələndirim”.